गुरुवार, २२ एप्रिल, २०२१

काहूर

 

उचंबळणाऱ्या भावनांना

झेलणं असतं का सोप्पं?

काहूर माजलेल्या मनाला

करावं कसं गप्प?

 

किणकिण किंवा छणछण

बांगडी किंवा पैंजण

त्या आवाजांच्या अनुभुतीला

भूतकाळाचं कोंदण

 

तळव्यावरच्या रेघा

जुळता-जुळता राहिल्या

ऩ कर्दळीच्या बागा

बनल्या आठवणींच्या जागा

 

वास, चित्र आणि ध्वनि

किंवा तिचे नाव घेता कुणी

शांत झोपवलेल्या आठवणी

लगाबगा जमतात साऱ्याजणी

 

मग ठिणगी पडते मनात

अशी कधी एकटीच मोकाट

कसं सावरावं जीवाला?

रान जळतं मुकाट!

 

पंकज

२२ एप्रिल २०२१

कोणत्याही टिप्पण्‍या नाहीत: